उमाळे

कुणाचे घेतले होते कुणाला वाटले होते
फुकाचा 'हा' मिळवण्याला बुटांना चाटले होते

पतंगासारखी घेउन भरारी आज भरकटलो
तयांनी वाकुल्या केल्या जयांना छाटले होते

जरी वदलीस रागाने "इथेची संपले सारे"
तुझ्या डोळ्यात अश्रूंचे उमाळे दाटले होते

उघडले जीवनाच्या पुस्तकाला चाळली पाने
जिथे येणे तुझे ते पर्ण आता फाटले होते

निखळले आज माझे स्वप्न चक्काचूर होऊनी
रडाया लागता घन आसवांचे आटले होते

------------------- वैभव फाटक --------------------