गार्हाणी देवास घातली होती
देवाने समजूत काढली होती
स्वप्न गुलाबी पूर्ण पाहता आले
प्रभा उजाडायची थांबली होती
तेव्हाही होती रक्ताची नाती
फक्त त्यातली दरी वाढली होती
मागमूस नाही जेथे छायेचा
अशा दिशेने उन्हे चालली होती
तिची कहाणी तशी पाहता मोठी
पण काही अश्रूत मावली होती
पळून गेली जरी थोरली कन्या
फळे धाकटीनेच भोगली होती
वैभव फाटक ( २८ जुलै २०१४)
देवाने समजूत काढली होती
स्वप्न गुलाबी पूर्ण पाहता आले
प्रभा उजाडायची थांबली होती
तेव्हाही होती रक्ताची नाती
फक्त त्यातली दरी वाढली होती
मागमूस नाही जेथे छायेचा
अशा दिशेने उन्हे चालली होती
तिची कहाणी तशी पाहता मोठी
पण काही अश्रूत मावली होती
पळून गेली जरी थोरली कन्या
फळे धाकटीनेच भोगली होती
वैभव फाटक ( २८ जुलै २०१४)
No comments:
Post a Comment