हासणे खोटे फुकाचे.....आज येथे टाळतो..
पापण्यांना भार होता.....आसवे मी गाळतो....
संपते ती लांबलेली.....भेट प्रेमाची जरी..
जीवघेण्या त्या कटाक्षा.....पाहुनी रेंगाळतो....
लाख डोळे पाहती.....त्यांना कसा मी आवरू.. ?
या तुझ्या फोटोस आता.....दृष्ट मी ओवाळतो....
जाहले जाणे तुझे.....आयुष्य हे भासे रिते ..
गांजलेल्या या व्यथेने.....स्वप्न माझे जाळतो....
प्रेमरंगी रंगताना.....आणभाका घेतल्या..
विस्मरोनी मुक्त तू.....मी शब्द माझा पाळतो....
मी तयारी दाखवावी.....दैव का नाही म्हणे..?
वाटते नेण्या मला.....मृत्यूच हा ओशाळतो....
--------------- वैभव फाटक --------------
No comments:
Post a Comment