इथे ग्रीष्म ज्वाळा

इथे ग्रीष्म ज्वाळा......तिथे गार वारा..
प्रिये धाड तू...आज...पर्जन्य गारा....

दिले फेकुनी मी......तुझ्या आठवांना..
तरी चक्षु पाही......तुझा खेळ सारा....

धरा आज चंद्रा......बघाया निघाली..
नभी तारकांचा......कशाला पहारा....

उगी नाव तेव्हा......जली हाकली मी..
कुठे लोचनांसी......दिसे ना किनारा....

घरी फौज मोठी......जिथे लेकरांची..
तिथे 'सिर्फ दो' चा......कशा पाइ नारा ?....

झिजोनी रचीले......निवासास ज्याने..
अभागी पित्याला......तिथे नाही थारा..

जरी बंगले...बांधिले...तू हजारो..
तुला शेवटी...लाकडांचा...सहारा....

----- वैभव फाटक ------
मूळ रचना --- १०-१२-२०११
सुधारणा --- ११-०४-२०१२